PRAVOSLAVIE SAMODERZHAVIE NARODNOST' Latine

Aliquanto ante coactus sum haec in Barbarograecum uertere, quo certior factus sum hanc formulam re uera Rutenice tantum dici posse. hoc prorsus tolerari non posse uidetur, nosque, utpote qui eiusdem Academiae socii, cuius Schevyrev ille clarissimus a quo haec formula (aut fortasse tessera) proficiscitur, numeremur, pro uirili parte suppeditare necessaria debemus. ut omnibus patet, difficultas in eo uersatur, ut haec tria, satis a cultu Romano remota, tribus tamen, non plus, eisque nominalibus, exprimantur.

In Germanicum ab aliquibus uertitur ut

"Orthodoxie, Absolutismus, Nationalismus"

(http://www.marxists.org/deutsch/archiv/trotzki/1936/junglenin/kap05.htm)
(praeterea, ut Caroli Marx asseclae - hic uero Leonis Trotzki sectatores - solent, primum cum altero permutant et "Absolutismus" primo loco ponunt)

quod tamen falsum esse uidetur, sed notatu dignum, quam falsae sint interpretationes quamque multum ab interpretandi ratione nonnumquam pendeat.

Primum et secundum ex Graeco versa videntur, licet igitur forsitan Graece orthodoxian et autocratian ea dicere, ut paritas quaedam eis insit. tertium tamen deest, haereo, quid dicam. (demagogian subiciam).
Fortasse tamen origines verborum intuentes eas solum nominemus, ut in SPQR: fides (?), princeps populusque. At haec quoque sententia vi quadam caret fontis.

Narod-n-ost' -- nation-al-itas? (Etsi glossaria, etiam mediae infimaeque latinitatis, hoc vocabulo carere videntur.)

Samoderzhavie nullo alio modo nisi per "Imperium" significari posse uidetur, quando quidem uox est translata ex Graeco "autokratoria", quae uicissim est ex "autokrator", quod ipsum est Latinum "imperator" in Graecum translatum.
Itaque, ut uidetur, Fides Imperium Populus.