SCHAPKA-USCHANKA Latine quo nomine gaudeat

Cum tandem bono caelo utamur atque hieme frui coeperimus, huius rei usus denuo coeptus est. et quidem hodie, cum has res Latine, ut solemus, cum alumno quodam satis urbano tractauimus, uidimus urgentissima uocabuli absentia nos in hac condicione premi. nimirum quod sciam nostrates tantum ciues hac re utuntur, itaque frustra in lexicis extraneis id quaeramus. praeterea satis recens est ut in lexicis Rutenicis uetustioribus nondum appareret; quamquam pro certo habeo, Ciceronem, si in Rutenia nostra uiueret, sine dubio hoc capitis indumento usurum esse, quod a maioribus traditum sit optimeque rebus nostris quadret.

galerus auritus?

Fefelli re uera lectores, cum dicerem prorsus a lexicis hanc rem abesse; inuenitur uerbi gr. ap. Dryantem (qui et Eichenseer) in lexico eius imaginibus praedito "mitella pellicea", imago uero proxime ad id quod quaerimus accedit. nullo tamen modo "mitella" pro SCHAPKA accipi potest, cum "mitra" idem fere sit quod OBRUCZ (res uiginti fere annis ante notissima, nunc obsoleta), i. e. cuiusuis materiae taenia satis angusta ad ligandum crinem a mulieribus adhibita, "mitella" uero rem eandem sed minorem significare debeat.

galerus scatebranicus!

admirator пишет:

galerus scatebranicus!

Optime! sed usus ille Scatebrani non omnibus notus est

Nomina propria non duco esse recipienda (nisi antiqua fortasse).

Pedibus tamen in Miram sententiam eundum puto: "galerus auritus" prorsus cum usu antiquo congruit, cum "galerus" (haec forma ap. Varronem, e. g. ap. Gell. X 15, 32) est re uera capitis indumentum ex pellibus factum, quod nonnumquam pro galea uel casside usurpabatur (ut ap. Verg. Aen. VII 689), ut aetate recenti Mongoli aliique populi simillimis indumentis pro galeis utebantur; adi. "auritus" autem non modo proprio sensu, uerum etiam translate legitur, uelut ap. Plin. n. h. X 136 (ubi significat "auris forma praeditus") aut ap. Pall. I 42, 1 (ubi idem est quod "ansatus"). optime fictum esse uidetur.

galerum, puto, Scatebranicum nullius iam Catonis seueritas eradicare ac memoria populorum detergere poterit