Quo modo HIPPIE Latine

Quo modo id, quod "Hippie" anglice dicitur, Latine optime exprimendum putetis?

Homo Epicureus. Cf. descriptio vocabuli "hippies" in ABBYY Linguo...

Junia пишет:

Homo Epicureus. Cf. descriptio vocabuli "hippies" in ABBYY Linguo...

Non Epicureis, sed cynicis similes esse mihi videntur, qui eo articulo descripti sunt.

ABBYY Linguo lex. non habeo, quod maxime doleo...

An "Florae liberi" sint?

"Florae liber" quid sit? Nonne is liber qui vulgo HERBARIJ nominatur?

Quod sciam, res ipsa inter omnia Latinitatis recentissimae lexica memoratur tantum in Eggeri Lexico recentis Latinitatis, tomo 1 (i. e. anno 1992), ubi in uoce "hippy" dicitur "uide anticonformista", in uoce uero "anticonformista" uidemus "conformitatis osor". non optima locutio est, si quidem conformitatis uocabulum apud antiquos omnino non legitur.

Sine dubio nomina huiusmodi iuuentutis circulorum, qui a saeculi uicesimi demum medii oriundi sunt, minime apta usque adhuc fuerunt ad Latine loquendum. et recte monetur talia suppeditari oportere.
nunc, si HIPPIE uertitur, debet quoque quodammodo PUNK exprimi; praeterea quattuor uel quinque alii greges sunt qui suam quisque uoluntatem persequuntur et qui debent ita Latine nominari, ut cuiusque indoles perspicua sit.