Quo modo PIONERSKIJ LAGER' Latine

Quo modo PIONERSKIJ LAGER' Latine

Nuperrime, cum de nostrae aetatis consuetudine sermo ortus sit, in rem difficilem incidimus, quo modo PIONERSKIJ LAGER' Latine proprie nominandum esse censeamus.
In ea narratione, qua in hoc incidimus, de his ultimis annis agebatur, coenonistarum imperio scilicet dissoluto. ideo proposui ut CASTRA AESTIVVA sint, praesertim cum eo fere uocabulo Rutenice quoque audimus ("letnij lager'").
At tamen difficultas ipsa remansit. nam, ut proprie rem designemus, scire debemus, quo modo PIONER Latine dici par est; hoc uero minime intellegi potest, nisi uocabula ad OKT'ABRENOK et KOMSOMOLETS significandos praesto nobis sint. sed haec omnia, utpote quae ad historiam Ruteniae coenonisticam spectant, prorsus inculta et neglecta iacent. ideo puto uiros Latinitatis peritos nostrates uocabula ad haec omnia definienda proponere uel fingere.
Apud Europaeos nihi paene inuenitur quibus rebus freti esse possimus: sunt quidem SCOUTS qui Latine "pueri exploratores" nominantur (ap. Car. Egger et alios), sed nullo modo aliis aetatibus opponuntur. praeterea in Rutenia aliquamdiu, saeculi praeteriti decennio tertio, cum SKAUTY tum PIONERY iuxta positi inueniebantur.
"Hitlerjugend" uocabatur "Iuuentus Hitleriana", sed ipsum hoc uocabulum displicet: non debemus propria nomina admittere.
itaque: quo modo PIONER Latine?

Fortasse: "adulescens egregius"
sive "probus puer"(PIONER),
"adulescentia egregia"(PIONERY)?

Scatebranus пишет:

itaque: quo modo PIONER Latine?

Lydia Winniczuk in dictionario suo Polonico-Latino hoc modo interpretatur:

pionier m praecursor, antecessor; qui primum alqd facit.

"Harcer" (i.e. "pioner" polonicus) tamen deest.

Pionery = "pueri praecursores", fortasse?

Sed de hoc LAGER quid censeamus? Num CASTRA dicimus? At KONZLAGER quomodo reddendum putetis?

"probus puer" rem significanter reddere non uidetur (si quidem paene idem est quod "bonus puer").

"praecursor" fortasse propius ad rem, sed quomodo cum aliis aetatibus coniungendum?

ISPAVITEL'NO-TRUDOVOJ LAGER' Latine "ergastulum publicum" dicendum puto (quod iam usurpaueram, uide meam commentationem in Voce Latina a. 1998 de uita Moysis Kirpicznikouii)

'liberi/suboles Octobris' - 'praecursores puerorum' - 'socii Komsomol' uel 'komsomolenses'
(cur omnia uertamus? ephebos uel ephoros Romani non uertebant)

omnia uertenda sunt, quod lingua Rutenica non Graeca est sed barbara. itaque nullo modo cum ephebis aut ephoris KOMSOMOLtSY comparari debent, mea equidem sententia. nam si aliam uiam ingrederemur, prorsus barbarie obruti citissime essemus.

uae linguae nostrae natali barbarissimae... druidum nomen frustra Caesar seruauit...

res barbarae sub nominibus Latinis urbaniores non fient - sus Philomele nuncupata non cantabit

Talpa пишет:

'liberi/suboles Octobris' - 'praecursores puerorum' - 'socii <i>Komsomol</i>'

Quoniam "Komsomol" abbreviatus est ex "Unione Communistica Juventutis" (vel "Sodalitate Juventutis Communistarum"), -- cur non "Juventas Communistica/Communistarum" (et resp. socii Juventutis Communisticae/Communistarum)?

(In lingua ecclesiastica, secundum A.Jougan, "factionem" et "doctrinam communistarum" habemus, non "communisticam".)

voces latinas barbaro modo tractare barbarismus esse videtur. ergo pionir pioniri dicatur (ut vir) -- et ergastulum pionirorum – si Scatebrano id placet.

ad miram:

quid cum omnibus nominibus abbreuiatis faciamus, minime liquet. 'sodalis iuuentutis coenonistarum' longum est et molestum erit, si fabulas uel numeros de eis uertemus uel etiam si nomen adiectiuum deriuare temptabimus. nomina abbreuiata, quae solita ac uulgaria facta sunt, quae in linguam cotidianam penetrauerunt et deriuata habent, ut nomina propria uel ethnica tractanda esse puto.

Fabricius_ пишет:

pionir pioniri

at quo modo KHULIGANSTVO dicatur?

Petulans, protervo iracundo animo, indomito incogitato,
sine modo et modestia sum, sine bono iure atque honore,
incredibilis imposque animi, inamabilis inlepidus vivo,
malevolente ingenio natus. postremo id mi est quod volo
ego esse aliis.
----------
Quis est qui nostris tam proterve foribus facit iniuriam?

Talpa пишет:

'sodalis iuuentutis coenonistarum' longum est et molestum erit, si fabulas uel numeros de eis uertemus uel etiam si nomen adiectiuum deriuare temptabimus. nomina abbreuiata, quae solita ac uulgaria facta sunt, quae in linguam cotidianam penetrauerunt et deriuata habent, ut nomina propria uel ethnica tractanda esse puto.

Carruca ante equum non est ponenda. Ubi sunt plurimae fabulae latinae de communistis? ubi numeri, carmina, poemata? Primum verteantur vel componeantur, ut ex usu videatur quod abbreviandum est.

de sodalibus iuuentutis communistarum nondum fabulas habemus, nam de anima chuligani, nisi fallor, Fabricius poema composuit

Mihi plautina ne adscribas!''

Cicero novis rebus nova ponenda nomina monuit. vos absurdis et ineptis absurdiora et ineptissima vocabula excogitatis. cur illud pionir vos terret, at hoc communista gaudetis, aeque absurda sunt, aeque non latina. equidem hac latina lingua uti cupio, in qua ista omnia, scilicet pionery et communisty et lagerja, nomina non habeant. de communistis nulla vel pauca carmina sunt latina? ne umquam condi possint. Di boni! eo magis latinitatem amo!

In mea cur hoc -- javascript:emoticonp -- legitur? id si potest dele! mihi autem privatim rescribe, quomodo cum his imaginibus agendum sit.

Gratias Talpae!

protocaris novus пишет:

cur illud pionir vos terret, at hoc communista gaudetis

gaudemus et pioniro. GAVDE-AMVS IGITVR etc.

Fabricio: si ipse in epistola sua bullam 'edit' non uides, hic Igneus et Scatebranus tantum epistolas emendare possunt. cum risibus autem simpliciter agendum est: premas semel et nomen eius in fenestra epistolae uidebis. cum eam miseris, non nomen, sed facies ipsa in foro uidebitur.

rerum uariarum nomina non rebus in ipsis sed in mente hominis sunt, qua de re id quod Rutenice "PIONER" dicitur, Latine quo modo conuentio nobis occidat nominandumst.

Talpa пишет:

at quo modo KHULIGANSTVO dicatur?

Vocabula anglica "hooligan", "hooliganism" de latronum familia Hooligan provenire scimus. Simili modo, quod in fragmento a Fabricio citato Mnesilochus de natura latrocinali sua narrat, "mnesilochismum" considerare possimus. E.g.

"In Orenburgia mnesilochus quidam ebrius in theatrum cinematographicum autoraeda invexit".
http://www.regions.ru/news/curious/2022220/

mihi placet 'hooligan=mnesilochus'

Barbarismus est, cum nomen nec Latinum neque Graecum inducitur.
id quod a barbara basi deriuatum est, nihil nisi barbarum esse potest. (ideo reiciendi uidentur pionir et cetera eiusmodi, pace Frederici Augusti Wolfii, qui putauit summum oppidi magistratum Burgermeisterum uocari licere et multa huius generis, ineptissime, ut mihi uidetur, suasit).
iccirco minime probo uocabulum quod est "communistes" (nedum communista): uox est hybrida et nec Latina neque Graeca; induxi pro hoc "coenonistes ~ae, m." (ex Graeco recentissimo).
adsentior tamen prorsus opinioni prolatae, ea tenenda esse, quae moris sint, - nisi quae obstant; dolendum est hoc in loco nihil usque adhuc moris uel consuetudinis natum esse.

de uocabulo quidem castrorum nulla inicitur dubitatio, si memoria repetemus, quam proxime militarium castrorum ad statum conformata essent.

si barbara barbara relinquimus, nihilo propius ad Romanorum indolem accedimus, qui quidem, cum remotissimas et mirificentissimas gentes descripserunt, ne unum quidem uocabulum barbarum inducere solebant (sunt quidem quaedam excepta, sed pauca - praeterea, quod licet Ioui, i. e. Caesari, non licet boui, nobis scilicet).

si ad rem reuertemur, PIONER sensu proprio habet significationes duas, unam generalem, i. e. "praecursor", alteram uero militarem (et obsoletam), id est "munitor". itaque, si uocabuli Rutenici uis principalis reddenda est, delectus est inter haec duo habendus; aut prorsus alia uia et ratio temptanda.

fortasse debemus scrutari, si quid boni amici nostri et socii annis pristinis excogitauerint, Germani Poloni Boii Daci Hungari Illyrii atque qui nomine parum Latino Slovaci gaudent.

'nec boui nec talpae' addendum
quid de nominibus breuiatis putas? num rursus euoluenda sunt omnia?

Qua voce hoc pioner a Caesare appellatum esset, si quis divinasset, in summam gloriam veniret. erat Romanis potestas ac licentia lingua sua uti. nobis autem lingua Romanorum sine audaci et barbara licentia sit utendum. docte et acute Scatebranus vim et naturam barbarismi exposuit. sed angustioribus eam finibus coercuit. Servius ad Donatum:
“barbarismus est vitium factum in una parte orationis vel in uno sermone contra regulam artis grammaticae. Plinius autem dicit barbarismum esse sermonem unum, in quo vis sua est contra naturam”.
Ergo omnia quae vel latinissimis verbis contra naturam linguae latinae dicuntur in barbarismis numerantur. barbarismi quos scholastici sive scriptores saec. XVII. inducebant utilitate et necessitate excusantur. novisimi illi latinistae sine ratione et utilitate linguae latinae naturam violant.